衛詩雅笑言想做少奶奶

【本報訊】英皇國際東半山全新豪宅自推出以來，深受市場歡迎。近日一眾藝人包括衛詩雅、陳家樂、海兒、鄧小巧、艾妮、伍詠薇、楊天宇、洪助昇等組「明升睇樓團」，在英皇娛樂CEO許佩斯帶領下齊撐新樓盤，並獲老闆楊受成親自接待。楊受成更笑說點名家樂及衛詩雅即刻入票。

去年擔任公司樓盤代言人的衛詩雅新婚將至，她笑言自己夢想是做少奶奶，住東半山就可以成日 High Tea 及 shopping 。雖然今次衛詩雅並非新樓盤代言人，但仍貫徹力 sell 精神，向家樂說：「 BB 大得好快㗎，你初為人父，咁上下時間要開始留意校網㗎啦！」

家樂透露很多親戚叫他要睇定學校，因為真的是一門學問，「咁我不嬲都係緊張大師，公司一有新樓盤我都有特意去了解呢個地區，同事介紹東半山出名多小學、中學名校，都真係幾吸引。」隨後輪到家樂大爆 衛詩雅想於鰂魚涌置業，「你咁鍾意港島樓，不如你再下一城買公司新樓盤做投資收租啦 。」

而第一次以英皇藝人身份睇公司樓盤的海兒表示好開心大家一齊組了一個十分有氣氛的睇樓團睇盤，大讚同事之間好有愛，還有老闆帶路，又不忘賣口乖，「當我聽到可以一齊嚟支持公司樓盤我都有舉手話要嚟，而且我仲未喺香港置業，不嬲都知道呢個係傳統豪宅區，睇返呎價都好吸引。」