首度素顏上陣拍劇 張曦雯護膚重補水

【本報訊】張曦雯（Kelly）首度素顏上陣拍劇，見她素顏家居Look皮膚勁靚，她也大方分享護膚心得。
首次以素顏上陣拍劇的Kelly，皮膚質素甚佳。談到護膚心得，她透露每天會敷至少兩次面膜：「今次我都係第一次開工唔化妝，因為想將喺屋企同埋女強人嘅對比做得大啲。護膚唔可以懶㗎，如果我開工，朝早起身洗完臉會敷Mask先會化妝，夜晚落晒妝洗完臉都一定會敷個Mask先至瞓覺，同埋飲多啲水，水分好緊要。」
另外，朱智賢（朱朱）按監製Marco要求剪短頭髮演商界女強人，朱朱透露已超過20年沒試過剪到這麼短：「同監製合作過好多次，所以佢叫我剪咩髮型我都會配合。不過今次真係入行以來最短嘅一次，初初剪完都真係有啲唔習慣。」
劇中不時以女強人套裝上陣的朱朱，今次都有參與設計自己劇中的造型：「今次真係有用心思去揀戲服，每次都會襯過晒先至着出來，例如盡量每套衫都會襯返唔同嘅耳環同頸鏈，特別多長耳環，係想感覺霸氣又唔會太過成熟。」朱朱又笑指自己私下是「女傻人」，完全同女強人扯不上關係，每次飾演女強人都覺得難度很高，為了演活自信霸氣女強人，朱朱直指整套劇除了冷笑，基本上沒有開心地笑過，並笑言：「拍到塊臉都僵硬咗。」