【本報訊】張曦雯（Kelly）昨日出席銀行活動，其母亦有到場支持， 兩母女儼如兩姊妹。
Kelly昨日以一身紅裙打扮現身，她表示父母和多位親友將陸續由美國回港過聖誕，她已預備在家中開派對，她說：「爸爸因為要看舖遲少少先返，過兩天才到港，所以之前我已同媽咪快閃東京一個星期，主要都係食嘢同睇富士山，男友都有Join我哋2日，因為佢識日文，主要負責做翻譯。」問她的媽媽對未來女婿是否很滿意？她笑指媽咪一向都喜歡其男友，喜歡程度比她有過之而無不及。她指除了父母外，還有一大班親友預計有25人到來，她已準備聖誕大餐招呼親友：「屋企傳統聖誕大餐必定要有火雞，仲有我最拿手整蘋果批，加上家中的工人姐姐廚藝了得，絕對應付得來。」她又稱因為表姐會帶同仔女回港，所以都要準備玩具送給小朋友。今年主力招呼家人過聖誕的Kelly，笑言未必有時間招呼自己朋友了，問她有否「筍盤」介紹給單身的好姊妹？她自言朋友不多，反而男友有很多朋友都是「筍盤」，高大靚仔又大隻：「想過介紹畀唐詩詠，不過大多數係外國人，詩詠話唔係特別鍾意外國人。」今年憑3套劇角逐TVB《萬千星輝頒獎典禮2024》視后的Kelly，坦言有信心得獎：「就算真係冇獎，今年都儲咗好多成績，會落力拉票。」分享 / Share :
